17 сакавіка вучні профільнага класа Міханавіцкай сярэдняй школы наведалі ААТ "Газпром трансгаз Беларусь" магістральны газаправод "Ямал - Еўропа", дзе пазнаёміліся з дзейнасцю газатранспартнага прадпрыемства.
Начальнік газакампрэсарнай службы Сіроткін Ігар Мікалаевіч патлумачыў прынцып працы сістэмы транспарціроўкі і размеркавання прыроднага газу, а таксама акцэнтаваў увагу школьнікаў на самыя запатрабаваныя ў кампаніі «Газпром» прафесіі.
Пасля прагляду фільма пра ўладкаванне асноўных аб'ектаў газатранспартнага прадпрыемства школьнікі разам з начальнікам кампрэсарнай станцыі "Мінская" газакампрэсарнай службы Бяссонавым Аляксандрам Юр'евічам наведалі дыспетчарскую службу, дзе хлопцы змаглі ўбачыць, як у рэжыме рэальнага часу супрацоўнікі службы кіруюць працэсам транспарціроўкі прыроднага газу.
Асноўная мэта гэтага праекта - увядзенне ў будучую спецыяльнасць. Адкрыццё класа дазволіць паглыблена вывучаць профільныя прадметы і весці падрыхтоўку нашых вучняў для паступлення ў профільныя ВНУ, а ў далейшым забяспечыць прыток высокакваліфікаваных маладых спецыялістаў для працы ў ААТ «Газпром».