Адкрыцце «Малых вясенніх Алімпійскіх гульняў - 2019”

Алімпійскія гульні - гэта спаборніцтва лепшых спартсменаў. З самага свайго зараджэння Алімпійскія гульні неслі народам мір і сяброўства. 9 сакавіка на базе ДУА “Міханавіцкая сярэдняя школа” прайшла цырымонія адкрыцця «Малых вясенніх Алімпійскіх гульняў».

Адкрыццё гульняў стала сапраўдным святам, якое прынесла шмат радасці не толькі ўдзельнікам Алімпіяды, але і яе арганізатарам.

Удзельнікі Алімпіяды перад спаборніцтвамі далі «Клятву алімпійцаў», узнялі алімпійскі сцяг і «запалілі» Алімпійскі агонь! А таксама зрабілі размінку пад рытмічную музыку.

Дзеці і дарослыя атрымалі эмацыйны і фізічны зарад бадзёрасці. Цырымонія адкрыцця стварыла атмасферу радасці і эмацыйнага ўздыму, дух спаборніцтва і спартыўных перамог.

Такія святы далучаюць дзяцей да традыцый вялікага спорту, пашыраюць аб'ём ведаў аб Алімпійскіх гульнях, аб алімпійскай сімволіцы, прывіваюць любоў да спорту і фізкультуры.