Аб арганізацыі прафесійнай падрыхтоўкі вучняў Х-ХI класаў у рамках вучэбнага прадмета “Працоўнае навучанне” ў 2025/2026 навучальным годзе
З 2018/2019 навучальнага года ва ўстановах агульнай сярэдняй адукацыі для вучняў Х-ХI класаў, якія вывучаюць усе вучэбныя прадметы на базавым узроўні, уведзены вучэбны прадмет “Працоўнае навучанне”. У рамках гэтага вучэбнага прадмета ў аб’ёме 6 гадзін у тыдзень рэалізуецца адукацыйная праграма прафесійнай падрыхтоўкі рабочых (служачых), якая накіравана на засваенне вучнямі прафесій рабочых (служачых), павышэнне іх сацыяльнай абароненасці на рынку працы, фарміраванне станоўчай матывацыі да працягу прафесійнай адукацыі.
Для вучняў Х-XI класаў, якія вывучаюць усе прадметы на базавым узроўні, арганізавана прафесійная падрыхтоўка па прафесіі "Швачка".
Заняткі арганізаваны на базе ўстановы адукацыі.