Мэты, задачы, прынцыпы дзейнасці і функцыі СППС школы
Праца сацыяльна-педагагічнай і псіхалагічнай службы (далей - СППС) ва ўстановах агульнай сярэдняй адукацыі арганізуецца ў адпаведнасці з арт. 96 Кодэкса Рэспублікі Беларусь аб адукацыі і пастановай Міністэрства адукацыі Рэспублікі Беларусь ад 26 лiпеня 2011 г. №116 “Аб зацвярджэнні Палажэння аб сацыяльна-педагагічнай і псіхалагічнай службе ўстановы адукацыі”.
Мэтай дзейнасці СППС школы з’яўляецца сацыяльная адаптацыя вучняў i аптымізацыя адукацыйнага працэсу.
Асноўныя задачы СППС школы:
- забеспячэнне сацыяльна-педагагічнай падтрымкі вучняў;
- аказанне псіхалагічнай дапамогі вучням.
Прынцыпы дзейнасці СППС школы:
- законнасць;
- павага і захаванне правоў, законных інтарэсаў і свабод удзельнікаў адукацыйнага працэсу;
- добраахвотнасць атрымання сацыяльна-педагагічнай і псіхалагічнай дапамогі;
- даступнасць атрымання сацыяльна-педагагічнай і псіхалагічнай дапамогі;
- канфідэнцыяльнасць;
- навуковая абгрунтаванасць;
- прафесіяналізм.
СППС школы ў межах сваёй кампетэнцыі выконвае наступныя функцыі:
- садзейнічанне ў забеспячэнні абароны правоў і законных інтарэсаў вучняў;
- вывучэнне ўмоў жыцця і выхавання вучняўу сем’ях;
- выяўленне і ўлік вучняў, якія маюць патрэбу ў сацыяльна-педагагічнай і псіхалагічнай дапамозе;
- інфармаванне адміністрацыі школы, зацікаўленых органаў аб парушэнні правоў і законных інтарэсаў вучняў і асобах, якія гэта дапусцілі;
- ажыццяўленне прафілактычнай работы па папярэджанні сацыяльнага сіроцтва, сямейнага недабрабыту, гандлю людзьмі і гвалту ў дачыненні да вучняў;
- удзел у фарміраванні ў вучняў навыкаў здаровага ладу жыцця, бяспечных і адказных паводзін;
- вывучэнне індывідуальна-псіхалагічных асаблівасцяў вучняў, іншых удзельнікаў адукацыйнага працэсу, асаблівасцяў развіцця калектываў вучняў і педагагічных работнікаў;
- арганізацыя асобасна арыентаванай сацыяльна-педагагічнай, псіхалагічнай і прававой дапамогі вучням, якія маюць праблемы ў зносінах, навучанні, развіцці, сацыялізацыі;
- удзел у распрацоўцы і рэалізацыі індывідуальных планаў абароны правоў і законных інтарэсаў дзяцей, якія знаходзяцца ў сацыяльна небяспечным становішчы;
- удзел у распрацоўцы і рэалізацыі планаў абароны правоў і законных інтарэсаў дзяцей, прызнаных маючымі патрэбу ў дзяржаўнай абароне;
- удзел у падрыхтоўцы вучняў да самастойнага і сямейнага жыцця, выкананні сацыяльных роляў грамадзяніна, сем’яніна;
- павышэнне псіхалагічнай і прававой культуры ўдзельнікаў адукацыйнага працэсу;
- аказанне сацыяльна-педагагічнай і псіхалагічнай дапамогі вучням ва ўмовах інтэграванага навучання і выхавання;
- удзел у аналізе адукацыйнай дзейнасці, што ажыццяўляецца школай;
- удзел у арганізацыі сацыяльна значнай дзейнасці вучняў, садзейнічанне ў развіцці дзіцячых і моладзевых ініцыятыў, іх творчага патэнцыялу і самадзейнасці;
- вывучэнне і абагульненне вопыту работы па аказанні сацыяльна-педагагічнай і псіхалагічнай дапамогі;
- распрацоўка інфармацыйна-аналітычных матэрыялаў па пытаннях развіцця, выхавання, навучання і сацыялізацыі вучняў, абароны і аховы дзяцінства.