6 верасня ў Міханавіцкай сярэдняй школе адбылося адно з самых светлых і інтэлектуальных святаў – Дзень беларускага пісьменства. Гэта не проста дата ў календары, а сімвалічная падзея, якая аб'ядноўвае мінулае, сучаснасць і будучыню, аддаючы даніну павагі роднаму слову, шматвяковай культуры і вялікім дзеячам, якія яе стваралі. На мерапрыемстве прысутнічалі запрошаныя госці-супрацоўнікі цэнтральнай дзіцячай бібліятэкі Мінскага раёна, якія прадставілі выставу старажытнай беларускай літаратуры-духоўнай спадчыны нашай краіны.